Орден аддзис геройöс

 Павел Александрович Уляшев чужлiс 1910 вося март 18-öд лунö.

Вот мый висьталiс герой пионеръяслы:

— 1941 вося август 20-öд лунö Троицко-Печорскöй леспромхозсянь петiсны сюрс кöкъямыссё морт. Сыктывкарын пывсьöдöм бöрын пуксьöдiсны баржа вылö, сетiсны сёян-юан. Соломбала пыр вайисны Вӧлӧгдаö. Дас вит кымын сутки мысти ыстiсны Тихвинскöй фронт вылö. Тихвин дорын пансис чорыд тыш. Станция ставнас пракмунiс.

Дыр öта-мöднымöс бонйим. Немецтö йöтким. Сэсся вуджöдiсны Калининскöй фронт вылö. Служитi медводдза  отделениеса станкöвöй пулемётчикöн.

Доймалі. Асланым частьса вöла локтiс (йöзыд оз на и босьт). Нуисны госпитальö, вöчисны операция, перйисны снаряд тор. Асывнас пальöдiсны — пызан вылын пасьтöм. Сöмын вайöны и вайöны доймалӧмъясӧс! Палаткаясын олöны. Сэсся косöдiсны бöр Вӧлӧгдаöдз. Куим да джын тöлысь омöля вердiсны. Кокниджыка ранитчöмаяссö нуисны фронт вылö, а менö — Свердловск обласьтса Сухой Логö. Куйлi сэнi нёль тöлысь да джын, а сэсся квайт тöлысь кежлö лэдзисны гортö. Оз эскыссьы!

Ставыс командир чукöр, öтнас радöвöй, да и грамотатöм. Öтнас жö ветлöдлыштiс, мукӧдыс куйлысьяс вöлiсны, да тӧрасис накӧд. Сетiсны документ, обмундирование. Киров да Котлас пыр поездöн воис Сыктывкарöдз. 1942-öд во помын сувтöдiсны учёт вылö. Куимысь Ёгор Семен Öлексей лэччылiс шоперö велöдчан курс вылö, но неграмотнöйтö эз босьтны. Сэсся Öлексейöс бöр нуисны фронт вылö, а Павеллöн воссялiсны дояинъясыс — комиссуйтiсны. Нэм чöж чотö. Наградаыс — Слава орден (№284980) воис сöмын комын во мысти. Эмöсь юбилейнöй медальяс.

— Войнатöгыд лöсьыд жö овнытö! — шуö Слава ордена кавалер. Павел Александрович — вермытӧм. Сылӧн нӧшта эм и «За победу над Германией в Великой Отечественной ойне 1941-1945 гг.» медаль (№399515).

Елена Уляшева (Н.В.Оплеснин нима отряд).